Qaid mai jab b suna lafz e rida Zainab nay
Tum ko Abbas bohat yad kiya Zainab nay
Apny parcham kay pharere mai chupa lo mera sir
Dil hi dil mai yeh kayi bar kaha Zainab nay
Bheer aesi kay jahan shimr ka dam ghut’ta ho
Kesay sir nangay wahan khutba diya Zainab nay
Cheen’ny walon ko naizon say sitam karna para
Itni mazbooti say thami thi rida Zainab nay
Haye Abbas kaha dair talak roti rahi
Be rida dasht mai jab pani peeya Zainab nay
Zakhm zindan rasan qaid ghareeb ul watni
Zindagi jee hai kay kaati hai saza Zainab nay
Uskay zakhmon mai kayi bar hue zakham naeem
Par nahi chhora kabhi farsh e aza Zainab nay