Apnay betay ki saf-e-maatam bicha lo Fatima
Aa gaya maah-e-aza aansu baha lo Fatima
Aag se Sajjad ko aa kar nikaalo Fatima (x2)
Aray aa kar nikaalo Fatima
Jal na jaaye Abid-e-Muztar bacha lo Fatima
Chheen kar chaadar saroan se le gaye aada-e-deen (x2)
Haaye le gaye aada-e-deen
Nangay sar Zainab hai chaadar to udha lo Fatima
Zakhm itnay hain ke ghodhay par sambhal saktay nahi (x2)
Haaye sambhal saktay nahi
Gir na jaaye laal ko aa kar sambhaalo Fatima
Tashna lab Shabbir ki himmat pe keh kar marhaba (x2)
Aray himmat pe keh kar marhaba
Apnay seenay se zara badh kar laga lo Fatima
Bosa lena hai agar peshaani-e-Shabbir ka (x2)
Aray peshaani-e-Shabbir ka
Pehlay khaak-o-khoo to chehray se hata lo Fatima
Sar hai nezay par khulay sar bibiyoan ke saath saath (x2)
Haaye bibiyoan ke saath saath
Laasha-e-be sar hai sehra mein utha lo Fatima
Sar khulay ahl-e-haram hain shaam ke baazar mein (x2)
Aray shaam ke baazar mein
Bibiyoan ko aa ke chaadar to udha lo Fatima
Yaad kar ke ro rahi hai baap ki aaghosh ko (x2)
Haaye baap ki aaghosh ko
Godh mein badh kar Sakina ko utha lo Fatima
Seena-e-Akbar se barchhi ka nikalna hai muhaal (x2)
Barchhi nikalna hai muhaal
Kaanpta hai haath Sheh ka tum nikaalo Fatima
Aa gaya maah-e-aza aansu baha lo Fatima (x2)