BAAP KI MAYYAT PE HAI ZAINAB Lyrics Shahadat Mola Ali Noha 21 Ramzan Noha 2021

BAAP KI MAYYAT PE HAI ZAINAB Lyrics Shahadat Mola Ali Noha 21 Ramzan Noha 2021

Baap ki mayyat pe hai Zainab s.a ka noha al'aman

Jaa rahe hain chor kar beti ko baba  al'aman

Fatima Zahra s.a k dar par Ambia a.s ki hai buka

Khoon mai dooby hue hain ya Ali mushkil kusha a.s

Kar rahy hain Hazrat e Jibreel (a.s) girya al'aman

Zeenat e parwardigar e do jaha'n rukhsat hua

Ronaq e mehraab or naaz e aza'n rukhsat hua

Bain karta hai musally par ye sajda al'aman

Ye jawanan e jina k rehbaro'n ki hai aza

Koi mou ko peet'ta hai koi sar ko baa khuda

Keh raha hai aaj sara shehr e kufa al'aman

Ibtida e karbala hai har ghari hai pur khatar

Ab yateeman e Ali a.s ki ya ilaahi khair kar

Apni turbat se sada deti hain Zahra s.a al'aman

Jab kaha Zainab s.a ne baba sham jana hai mujhe

Jab suna beti ka ye ro ro k kehna baap ne

Karb se tarpy kafan mai shah e wala a.s al'aman

Apni ghurbat par Ali (a.s) ne ye kaha tha Sayyeda (s.a)

Darguzar karti hai dunya ab salam e Murtaza (a.s)

Fatima Zehra ne ye sun kar pokara al'aman

Sab azadaran e Haider (a.s) ki hai Yasir ye sada 

Aye Imam e Asr Mola, Waris Mushkil kusha

Aap ke jad ki shahadat par hai pursa al'aman

Noha Title	Bap Ki Mayyat Pe Hai Zainab sa
Reciter Name	Ahmed Raza Nasiri
Poetry By	Yasir Abbas Shah
Released On	Ahmed Raja Nasiri YouTube  Channel
Released By	NA
Category	Noha
Released Year	21 Ramazan 2021 Noha
Posted By	Noha Lyrics
Soz/Composition	Nayyer Abbas