Suno Ghadeer Suno Lyrics Ahmed Raza Nasiri id e Ghadeer New Manqabat 2021
Kamaal e Deen e Khuda ko Ghadeer kehty hain
Risalato'n ki baqa ko Ghadeer kehty hain
Ada e Ehd e wafa ko Ghadeer kehty hain
Munafiqo'n ki saza ko Ghadeer kehty hain
Ye Deen e Haq, ye shariat baqa pazeer na ho
Jaha'n me Kuch bhi na reh Jaye gar Ghadeer na ho
Ghadeer markaz e sidq o sakha ko kehty hain
Ghadeer mumlikat e Murtaza ko kehty hain
Ghadeer manzil e ehl e wafa ko kehty hain
Ghadeer eid e Rasool e Khuda ko kehty hain
Bahar e qalb Ka kissa tamam ho Jaye
Ye din na ho tou tabassum haram ho jaye
Sahabiyat ki haseen shaan bhi Ghadeer sy hai
Wiqaar e Buzar o Salman bhi Ghadeer sy hai
Dilo me khoon Ka doraan bhi Ghadeer sy hai
Khuda parasto ki pehchan bhi Ghadeer sy hai
Koi nishaan koi khat koi lakeer Nahi
Waha'n py Deen Nahi hai jaha'n Ghadeer Nahi
Hui Rasool k hatho Ada e farz e Ghadeer
Muheet e alam e imkaa'n hai tool o arz e Ghadeer
Utar saky ga na ehl e falak sy qarz e Ghadeer
Bulandiyo k liye rehnuma hai arz e Ghadeer
Nujoom taank k Roshan jaha'n banaye gaye
Isi zamee'n k liye asmaa'n banaye gaye
Khuda k Deen ko dirham me tolny waly
Mayaan kasa e Dil zeher gholny waly
Zabaa'n nifaaq k lehjy me bolny waly
Khilaaf e Syed e lolaak bolny waly
Tujhy lehed me aseer e azaab krdy ga
Ali Ka bughz hai mitti kharab krdy ga
Bahaar e husn e ibadat Ka naam hai Kaba
Kamaal e ishq o mohabbat Ka naam hai Kaba
Faheem e ramz, wilayat Ka naam hai Kaba
Ali ki Jaye wiladat Ka naam hai Kaba
Jo log bhugz e Ali me tawaaf krty Hain
Wo ainey ko siyahi sy saaf krty Hain
| Noha Title | Suno Ghadeer Suno |
| Reciter Name | Ahmed Raza Nasiri |
| Poetry By | Bilal Kazmi (India) |
| Released On | Ahmed Raza Nasiri YouTube Channel |
| Released By | NA |
| Category | Manqabat |
| Released Year | Eid E Ghadeer 2021 |
| Posted By | Noha Lyrics |
| Soz | NA |
Social Plugin