Darbaar Se Ati Hay Zainab Ki Sada Ghazi Aseeri Noha Shahid Ali Shahid New Noha 2021-2022 Lyrics in Urdu
دربار سے آتی ہے زینب کی صدا غازی
لب پر ہے لعینوں کے اب نام مرا غازی
نیزوں سے ڈراتے تھے عابد کو ستاتے تھے
چادر کے بنا ہم کو بازار پھراتے تھے
ہر گام اسیروں نے یہ ظلم سہا غازی
عابد پہ ستم ڈھاتا جب کوئی شقی ہائے
محسوس ہوئی اس دم بس تیری کمی ہائے
ہر زخم پہ دل چھلنی لب محوِ بکا غازی
کیا جرم کیا ہم نے کیوں ہم کو ستاتے ہیں
سر ننگے ہمیں ظالم دربار میں لاتے ہیں
پھر اس پہ ستم ہائے ! باغی بھی کہا غازی
سینے میں عدو کے تھا کچھ ایسا بھرا کینہ
قاسم کے ہوئے ٹکڑے، اکبر کا چھدا سینہ
اصغر بھی مرا تشنہ دنیا سے گیا غازی
مجبور ہوئی کتنی دیکھو تو یہ ماں جائی
بے گور و کفن لاشے دفنا نہ سکی بھائی
ارمان کوئی دل کا پورا نہ ہوا غازی
روتی ہیں لہو آنکھیں سینہ مرا پھٹتا ہے
تحقیر سرِ شہدا ملعون جو کرتا ہے
ہر ضرب پہ ظالم کی دل خون ہوا غازی
شاہد ہو ترا جب بھی، پھر کرب و بلا جانا
مولا کے حرم جا کر اُن سے یہ فقط کہنا
اب اذنِ زیارت ہو یکتا کو عطا غازی
| Noha Title | Darbaar Se Ati Hay Zainab sa Ki Sada Ghazi as |
| Reciter Name | Shahid Ali Shahid |
| Poetry By | M Salahuddin Yakta |
| Released On | Shahid Ali Shahid YouTube Channel |
| Released By | NA |
| Category | Noha |
| Released Year | Muharram 1443 |
| Posted By | Noha Lyrics |
| Soz | NA |
Social Plugin