Ghareeb Ka Ghareeb Sar Urdu Noha Lyrics Syed Raza Abbas Zaidi

Ghareeb Ka Ghareeb Sar Urdu Noha Lyrics Syed Raza Abbas Zaidi 2021 1443 Muharram

کبھی یہ شیریں کے گھر ملا ھے

کبھی یہ راہب کے گھر گیا ھے

کبھی شجر پر رسن سے باندھا

کبھی یہ تندور میں رکھا ھے

نہ جانے اسکا سفر ھے کیسا

نہیں ھے مظلوم کوئی ایسا

غریب کا یہ غریب سر ہے جو در بدر ہے

ہے   ریش  جسکی   لہو  میں  ڈوبی 

رگیں بھی سوکھی ہوئی ہیں  اسکی

بھری  ہے    زلفوں  میں خاک    ہائے

کٹے ہیں  لب  اور  جبیں  ہے  زخمی

عیاں ہیں  چہرے  سے   غم  بَلا  کے

ہو    جیسے     مارا    رُلا    رُلا   کے

چلا  تھا  جسوقت  اس   پہ  خنجر

تھا  گود   میں  فاطمہؑ  کی  یہ  سر

کھڑی  تھیں  ستر  قدم   پہ   زینب

گرا یہ سر  جب  زمیں  پہ  کٹ  کر

اُٹھایا   زلفوں   سے   شمر   نے  سر

ٹپک    رہا    تھا    لہو     زمیں   پر

سوار    نوکِ    سناں     پہ   ہوکر

چلا   ہے   کربولا    سے    یہ   سر

نظر  ہے  اکبرؑ  کے  سر  کی  جانب

عجیب  غربت  کا   ہے   یہ  منظر

کرے یہ اکبرؑ سے جب  بھی باتیں

تو خون روتی ہیں اسکی آنکھیں

یہ  سر  جو  خولی  کے  ہاتھ  آیا

عجیب   ظالم    نے   ظلم   ڈھایا

گھر اُسکے زہراؑ  تڑپ  کے پہنچیں

جب  اُس نے  تندور  میں چھپایا

کئے  جو    زہراؑ    نے  بین   روکر

تڑپ   رہا  تھا  حُسینؑ   کا    سر

نظر پڑے جب  بہن   کے  سر  پر

پکارے   عباسؑ   کو    تڑپ     کر

طمانچہ جب بھی  سکینہؑ کھائے

زمیں پہ گر  جائے  ھائے  یہ  سر

کوئی جو  عابدؑ  پہ  ظلم  ڈھائے

پُکارے   نیزے   سے  ھائے  ھائے

گری تھی  ناقے سے جب سکینہؑ

وہیں یہ سر بھی ٹھہر  گیا  تھا

نظر نہ  آئی  جب   اِسکو  بیٹی

تڑپ  زینبؑ  کی   سمت   دیکھا

کہا  یہ   زینب   سے  جلد  جاؤ

میری  سکینہؑ  کو   ڈھونڈ   لاؤ

ستم   یہ   دربار  میں   ہوا  تھا

غریب سر طشت میں  رکھا تھا

یذید   دندانِ    شاہِ    دیں   پر

چھڑی کوہنس ہنس کےمارتاتھا

سکینہؑ  عابدؑ کو دیکھتی تھیں

پدر کی غربت پہ  رورہی تھیں

ہے  شام کی  قید کا  یہ  منظر

ملا  سکینہؑ   کو   باپ  کا  سر

رضا  و   ذیشان  تھی  قیامت

کہا  سکینہؑ  نے  جب  لپٹ کر

نصیب    کیا     ہوگیا     ہمارا 

ہے  میرے  سینے پہ سر تمہارا

Noha Title	Ghareeb Ka Ghareeb Sar
Reciter Name	Syed Raza Abbas Zaidi
Poetry By	Zeeshan Abidi
Released On	Raza Abbas Zaidi  YouTube  Channel
Released By	NA
Category	Noha
Released Year	Muharram 1443-2021
Posted By	Noha Lyrics
Soz	NA