Musalman Hans Rahe The Ayam e Fatimiyah 1443 Noha

 Musalman Hans Rahe The Ayam e Fatimiyah 1443 Noha

Nabi ki qabr pe aakar, kaha Zahra ne ro ro kar, MusalmaaN has rahe the

Bhare Darbaar mei baba, khaDi thi aapki dukhtar, MusalmaaN has rahe the

Mila yeh ajr humko ahle Yasrab se risalat ka 

Hame hai aap ke gham main kahan rone diya Baba

Bana jab Ghar mere rone ki khatir shehr se bahar, MusalmaaN has rahe the

Nahi yeh gham Mujhe  bagh e fidak maine nahi paaya

Ay baba Bas Mujhe iss baat pe Rona Bohat aaya 

Gawahi mere betoN ki sare darbaar jhut laa kar, MusalmaaN has rahe the 

Yeh sadma hai mere haq mei kisi ne lab nahi khola

Madine mei meri janib se koi bhi nahi bola

Wilayat ka liye paighaam main phirti rahi dar dar, MusalmaaN has rahe the

JahaaN khayyat bankar khuld se Rizwaan aate the

Malak bhi aake jis dar pe adab se sar jhulaate the

Ussi dar ko laga kar aag jab maari gayi thokar, MusalmaaN has rahe the

Ghadeer e khum mei jisko aapne Maula kaha baba

Woh jisne aap se waada kiya tha sabr karne ka 

Nahi bhooli main woh manzar, huwe the qaid jab Haider, Musalmaan has rahe the

Hassan ke saamne baba laaeN ne zulm yeh dhaya 

Mere bache ne mujhpar yeh sitam hote huwe dekha 

Main roti reh gayi baba tamacha jab laga  rukh par, MuslamaaN has rahe the

Surani athwi shawwal ko kaise bhulaaeiN hum

Kiya tha  munhadim yuN rauza e Makhdooma e aalam 

Nishaani ke liye jab qabr pe Bas reh gaye patthar, MusalmaaN has rahe the

Noha Title	Musalman Hans Rahe They
Reciter Name	Ali Raza Surani
Poetry By	Ali Raza Surani
Released On	Azadari Chitora YouTube  Channel
Released By	NA
Category	Noha
Released Year	Ayam e Fatimiyah 1443
Posted By	Noha Lyrics
Soz	NA

Read This:Sar Ko Jhukaye Zahra Noha