Ali ke Noor ka | 13 Rajab 1443 New Manqabat

 Ali ke Noor ka 13 Rajab 1443 New Manqabat

Ali(as) ke noor ka sadqa dikhayi deta hai

Khuda ke ghar mein ujala dikhayi deta hai

Mizaj-e-Nehj-e-balagha hai ayaton jesa

Kalam ye bhi khuda ka dikhayi deta hai

Ali(as) imam-e-manasto manam ghulam e ali(as)

Har ik nabi(as) yehi kehta dikhayi deta hai

Kamal-e-qudrat-e-maabood hai mera abbas(as)

Ali(as) ko bhi ye ali (as) sa dikhayi deta hai

Mujhe zameen pe kuch bhi nazar nahi aataa

Faqat Hussain (as) Ka Sajda dikhayi deta hai

Najaf hai Mir Takkallum ka toot ayy moosa (as)

Ussey yahin pe wo jalwa dikhayi deta hai