Hassan mai Jazba Haider 15 Ramzan Manqabat
Hasan mai jazbaye haider dikhayi deta hai
Qalam mai tegh ka jauhar dikhayi deta hai
Hasan ka dekh ke ikhlaq kahti thi duniya
Hasan mai husne payambar dikhayi deta hai
Bhala ghatayega kya koi martaba uska
jo doshe mursale dee’n par pdikhayi deta hai
Hai sulh naame mai jitne huroof likhkhe hasan
Ameere sham ko lashkar dikhayi deta hai
Kaha Hasan ne utar ye jagah hai nana ki
Tu shaikh kyu sare mimber dikhayi deta hai
Ameere shaam hai befateha todastarkhwaaan
Mere imam ka ghar ghar dikhayi deta hai
Ali ke laal ka fazlo karam hai talib par
Jo mahfilo mai barabar dikhayi deta hai
Social Plugin