tum Hussain hu | Arif Sahab noha lyrics 2022 -2023

itna bata do behn ko kiya tum Hussain hu |Arif Sahab New Noha 2022-2022

 بے سر بدن پہ روکے یہ زینبؑ نے دی صدا

اتنا بتادو بہن کو کیا تم حسینؑ ہو 

عباس کی قسم تمہیں اک بار تو زرا 

اتنا بتادو بہن کو کیا تم حسینؑ ہو

اتنے لگے ہیں تیر بدن ہے لہو میں تر

پامال لاش کی بھی ہے ٹوٹی ہوئی کمر

اصغر کی طرح ذخمی ہے لاشے کا بھی گلا

اتنا بتادو بہن کو کیا تم حسینؑ ہو

اکبر کی سمت لاشہ ہے تیرا جھکا ہوا

یہ زخمی ہاتھ سینے پہ کیوں ہے رکھا ہوا

ہم شکل مصطفیٰ کا میں دیتی ہوں واسطہ

اتنا بتادو بہن کو کیا تم حسین

پہچان سب کی ہوتی ہے چہرے کو دیکھ کر 

لیکن کسی بھی لاش کے تن پر نہیں ہے سر

میں ہاتھ جوڑ لیتی ہوں تم دے کے خود صدا

اتنا بتادو بہن کو کیا تم حسین ہو

ہے سرخ آج خون سے کرتے کا رنگ بھی 

ان ذخمی انگلیوں میں انگوٹھی نہیں رہی

دریا سے تم کو دیکھ کے تڑپا ہے باوفا 

اتنا بتادو بہن کو کیا تم حسین ہو 

کیسے دکھاؤں آج یہ میرا جو حال ہے 

پردے کا میرے تم کو یقیناً خیال ہے 

تم خاک پر تڑپتے ہو ،کہتی ہوں جب ردا

اتنا بتادو بہن کو کیا تم حسین ہو 

مقتل میں آئی ہوں میں سکینہ کو ڈھونڈنے 

آکر اسی جگہ پہ قدم رک گئے مرے 

لاشے کے پاس سوئی ہے یہ ننھی فاطمہ

اتنا بتادو بہن کو کیا تم حسین ہو 

 تیروں پہ تیری لاش ہے پتھر ہیں لاش پر 

پتھر بھی ہوچکے ہیں جو بہتے لہو سے تر 

مقتل میں سب زخمی ہے  لاشہ یہی ترا

اتنا بتادو بہن کو کیا تم حسین ہو 

تیر وسناں سے آج یہ حالت ہے لاش کی 

تم کو غریب بہن بھی پہچان نہ سکی

زہرا کی بیٹی تم سے یہ کرتی ہے التجا

اتنا بتادو بہن کو کیا تم حسین ہو 

کلام عارف سحاب