Akbar (as) Kay Janazay Pay New Noha Lyrics 2023 By Mir Hassan Mir

 Akbar (as) Kay Janazay Pay New Noha Lyrics 2023 By Mir Hassan Mir In Roman English Urdu Hindi

Akbar (as) Kay Janazay Pay New Noha Lyrics 2023 By Mir Hassan Mir In Roman English

Akbar Haye Haye Akbar

Haye

Haye Jis Waqt Gira Zeen Say Hamshakal E Payambar

Shabbir Ko Zainab Nay Sada Di Yeh Tarhap Kar

Akbar

Akbar Kay Janazay Pay Mujhay Lay Chalo Bhaiya

Hum Mil Ky Utha Len Gay Jawan Laal Ka Lasha

Akbar Kay Janazay Pay Mujhay Lay Chalo Bhaiya

Atthara Baras Walay Ka Sar Goud Mein Lay Kar

Main Naad E Ali Parhti Rahun Gi Ay Baradar

Tum Seena E Akbar Sy Nikalo Gay Jo Naiza

Akbar

Akbar Kay Janazay Pay Mujhay Lay Chalo Bhaiya

Jo Zakhm Lagay Hain Woh Dikhaye Ga Na Tum Ko

Shayad Woh Takalluf Mein Bataye Ga Na Tum Ko

Main Maan Hun Magar Mujh Sy Chupa Hi Nahi Sakta

Akbar Kay Janazay Pay Mujhay Lay Chalo Bhaiya

Main Jaanti Hun Kaisay Jawan Hotay Hain Betay

Aur Dekhnay Parh Jayen Agar Un Kay Janazay

Ab Main Bhi Samajh Sakti Hun Aulaad Ka Sadma

Akbar K Janazy Py Mujhy Ly Chalo Bhaiya

Anay Nahi Dun Gi Main Kisi Ko Bhi Wahan Par

Jee Bhar Ky Galay Milna Jawan Laal Say Ja Kar

Main Maot Say Keh Dun Gi Zara Dair Thehar Ja

Akbar Kay Janazay Pay Mujhay Lay Chalo Bhaiya

Baba Meray Baba Ki Sada Dey To Raha Hai

Awaz Say Lagta Hai Bahut Door Gira Hai

Lo Hath Mera Thaamo Bahut Dhool Hai Jaanan

Akbar Kay Janazay Pay Mujhay Lay Chalo Bhaiya

Haye Akbar

Us Karb Ki Halat Say Nikaalay Ga Tumhen Kon

Woh Airhian Ragrhay Ga Sambhalay Ga Tumhen Kon

Chadar Say Bana Lun Gi Main Kuch Dair Ko Parda

Akbar Kay Janazay Pay Mujhay Lay Chalo Bhaiya

Tooti Hai Kamar Aap Ki Ay Meray Baradar

Gir Gir Kay Uthen Gay To Hansen Gay Yeh Sitamgar

Main Aap Ko Ban’nay Ko Nahi Dun Gi Tamasha

Akbar Kay Janazay Pay Mujhay Lay Chalo Bhaiya

Roti Hai Koi Bibi Musalsal Pas E Parda

Jab Sy Hai Suna Mir Takallum Tera Noha

Bhai Say Galay Mil Kay Behan Boli Dobara

Akbar Kay Janazay Pay Mujhay Lay Chalo Bhaiya

Akbar Haye Haye Akbar