Haye Haye Ali Akbar Amjad Baltistani New Marsiya Lyrics 2023 In Roman English And Urdu Text
Haye Haye Ali Akbar (A.S)
Kehti Thi Yeh Maa Khoon Bhari Maiyat Say Lipat Kar
Haye Haye Ali Akbar, Haye Haye Ali Akbar.
Arman Tha Pahnawoon Gi Poshak Shahani
Afsoos Keh Raas Aaie Na Tujh Ku Yeh Jawani
Kaisa Tha Muqaddar, Haye Haye Ali Akbar (A.S)
Aathara Baras Paal Kay Parwan Charhaya
Aur Gaisuwoon Wala Haye Mera Khoon Main Nahaya
Khurban Ho Maadar, Haye Haye Ali Akbar (A.S)
Itna To Zara Thehro Tumhain Dhulha Bana Loon
Bas Ek Jhalak Sahray Ki Sughra Ku Dhika Loon
Baichain Thi Khawahar, Haye Haye Ali Akbar (A.S)
Maa Teri Judaie Mein Bhala Kaisay Jeeye Gi
Maar Jaayaigi Sughra Jo Khabar Teri Sunay Gi
Ab Kya Karoon Dilber,Haye Haye Ali Akbar (A.S)
Tehro Kay Mein Atharween Mannat To Badha Loon
Phir Lay Kay Balayein Tujhay Jeenay Ki Dua Doon
Sadqay Ho Ay Maadar,Haye Haye Ali Akbar (A.S)
Pehlay To Ek Aawaz Pay Uth Jatay Thay Beta
Ab Etni Saada’oon Pay Bhi Pehloo Nahi Badla
Kya Ho Gaya Dilber,Haye Haye Ali Akbar (A.S)
Tum Hichkiyaan Lay Lay Kay Jo Dam Taur Rahay Ho
Moo Maa Say Hamaisha Kay Liye Mour Rahay Ho
Kyon Rootay Ho Dilber,Haye Haye Ali Akbar (A.S)
Aaye Jo Hamein Lootnay Hhaimay Mein Sitamgar
Maa Day Gi Sadaayein Ali Akbar, Ali Akbar
Chin Jaayay Gi Chaadar,Haye Haye Ali Akbar (A.S)
Jab Koi Jawan Laash Nazar Aati Hai Mahshar
Ek Yaad Suyay Karbobala Jaati Hai Mahshar
Dil Rota Hay Kah Kar,Haye Haye Ali Akbar (A.S)
