Janab e Hazrat e Abbas Ko Bulaya Karo Syed Raza Abbas Zaidi Muharram 1445/2023

Janab e Hazrat e Abbas Ko Bulaya Karo Syed Raza Abbas Zaidi Muharram 1445/2023 

مولا عباسؑ مولا عباسؑ 

مولا عباسؑ مولا عباسؑ

مولاؑ ہیں ہمارے دل اُنہیں پکارے 

بن بازؤں کے جو تقدیریں لکھتے ہیں

باب الحوائج فضل کے بابا

بالی سکینہؑ کے ہیں چچا

اُنکو بلاؤ سب غم سناؤ

ہیں وہ سخی بادشاہؑ

دیا   جلاکے   سکینہؑ   کے  نام   کا  گھر میں 

جنابِ    حضرتِ   عباسؑ    کو    بلایا    کرو

کہاں  کہاں   وہ   ہماری  مدد     نہیں   کرتے

قسم   سکینہؑ   کی   عباسؑ   رد   نہیں  کرتے

بغیر مانگے وہ سب کچھ عطا  کرینگے تمہیں

سکینہؑ  بی بی  کا  فرشِ   عزا   بچھایا  کرو

بہت   قریب    عباسؑ     کے     یہ    شہزادی

جو  دیکھنی  ہو  محبت  چچا  بھتیجی  کی

تم  اپنے  گھر  میں   سجاتے   ہوئے   عزاخانہ

علم پہ چھوٹی سی اک مشک بھی سجایا کرو

مثال    کربوبلا      ہے    کرم      نوازی    کی

یہ کمسنی میں بھی مشکل کشا ہے غازیؑ کی

چچا سے کہکے غموں  سے  تمہیں چھڑالینگی

سکینہؑ بی بی  سب  حالِ   دل   سنایا   کرو

اے کاش دیکھلیں غازیؑ  ہمارے گھر کیطرف

عطا  ہو  آٹھ  محرم  کو   حاضری  کا  شرف 

چچا کے ساتھ بھتیجی  بھی میرے گھر آئے

دعا یہ مانگ کے  غازیؑ  کی  نذر  کھایا  کرو

تم  اسکے  نام  کی  منت  اُٹھاکے   مانگو  دعا

حُسینؑ  صدقے  میں اسکے  کرینگے بیٹی عطا

تمہارے  گھر میں  جب آجائے چاند سی بیٹی

کنیزِ     بالی     سکینہؑ      اُسے    بنایا     کرو

جسے نمازوں  میں  مانگا سکوں سکوں کہکر

سکون   کیسے    ملے    وہ    نظر  نہ  آئے اگر

اِسے   بلاکے  یہ   اکثر   حسینؑ    کہتے    تھے

سکینہؑ  ہم  سے  کبھی  دور  تم  نہ جایا  کرو

سلام اُس پہ  جو  گرتی  سمبھلتی رہتی تھی

وہ  جسکے گالوں کی رنگت  بدلتی رہتی تھی

طمانچے کھاکے وہ ظالم سے روکے کہتی رہی

میں اک یتیم ہوں مجھ پر نہ ہاتھ اُٹھایا کرو

یہ   زائرین    سے    ذیشان   اور  رضا  کہدو

کسی  کا   شام  اگر   کربلا   سے    جانا    ہو

لحد  پہ بی بیؑ کی  اک مشک ساتھ لے جاکر

یہ  پانی  بھیجا   ہے   عباسؑ  نے   بتایا  کرو