Pattharon Se War Shabih  Noha Lyrics 2023 | In Urdu English Hindi

Pattharon Se War Shabih  Noha Lyrics 2023 In English Rext

Phuphi amma yatimo ko suna hai pyar karte hain 

Ye kaise log hain jo paththaron se waar karte hain

Kiya jo kalma goyon ne wo kab kuffar karte hain

Ye kaise log hain jo paththaron se waar karte hain

Wo jis bachche ke sar par baap ka saya nii hota

Usey is tarh se koi bashar iza ni deta

Yatiomo se mohabbat ka sabhi izhar karte hain

ye kaise log hain jo paththaron se waar karte hain

Tamanchon se mera rukhsar nila kar diya phir bhi

Jo pahnaya tha baba ne wo gauhar le liya phir bhi

Sukun ata nahi yun zulm ki had paar karte hain

Ye kaise log hain jo paththaron se waar karte hain

Tamasha dekh kar ham qaediyon ka kyon ye hanste hain

Phuphi wo dekho inki godiyon me bhi to bachche hain

Wo ham pe tanz karte hain jab aankhen chaar karte hain

Ye kaise log hain jo paththaron se waar karte hain

Lahu halqe burida se mere baba ke jari hai

Phuphi kis tarh se dekhun jo us par sang baari hai

Sina se to qiraat saiyyad e abrar karte hain

Ye kaise log hain jo paththaron se waar karte hain

Pedar ko dekh kar is haal me Rona to aayega

Ye manzar to har ek insan ko aansu rolayega

Kate sar ka jo hm rote hue didar karte hain

Ye kaise log hain jo paththaron se waar karte hain