Utha Nahi Jaata Amma Noha Lyrics Syed Raza Abbas Zaidi 2023 In Roman English Text
Haye
Jis Dam Hussain Zeen Say Aaye Zameen Parr
Ankhon Mein Khak Aur Badan Tha Lahu Mein Tarr
Jab Sar Utha Ky Dekha To Dhundla Gai Nazar
Daikha Koi Zaeefa Chali Aati Hai Idhar
Amma Ki Khushboo Aai To Uthnay Lagay Hussain
Tazeem Jab Na Ho Saki Kehnay Lagay Hussain
Amma Amma
Zakhm Itnay Hain Keh Utha Nahi Jaata Amma
Mill Ke No Lakh Nay Itna Mujhay Maara Amman
Zakhm Itnay Hain Keh Utha Nahi Jaata Amman
Is Sy Pehly Keh Meri Baiti Yeh Daikhay Aa Kay
Shimr Say Keh Do Utar Jaye Mairay Seenay Say
Daikho Soti Hai Yahan Mairi Sakina Amman
Zakhm Itnay Hain Keh Utha Nahi Jaata Amman
Haye Pardais Mein Yeh Waqt Hai Kaisa Hum Par
Daikho Tum Paani Pilaati Thi Jisay Uth Uth Kar
Aaj Aaghosh Mein Mar Jaaye Ga Amman
Zakhm Itnay Hain Keh Utha Nahi Jaata Amman
Main Nay Daikha Hai Usay Chehray Kay Ball Girtay Huye
Kat Chukay Hath Maira Bhai Uthay Ga Kaisay
Day Ky Awaz Usay Tum Na Bulana Amman
Zakhm Itnay Hain Keh Utha Nahi Jaata Amman
Gurz Talwaar O Tabarr Naiza O Bhaala Maara
Jis Ko Kuch Bhi Na Mila Us Nay Tamancha Maara
Mujh Pay Barsa Diya Jo Hath Mein Aaya Amman
Zakhm Itnay Hain Keh Utha Nahi Jaata Amman
Us Nay Daikha Hai Abhi Sirf Mera Zakhmi Badan
Larhkharhatay Huye Girti Hai Sambhalti Hai Bahan
Kaisay Daikhay Gi Bahan Bhai Ka Marna Amman
Zakhm Itnay Hain Keh Utha Nahi Jaata Amman
Haye Shabbir Nay Yeh Maan Say Kaha Ro Ro Kar
Chalnay Wala Hai Meri Sookhi Ragon Par Khanjar
Meri Gardan Py Abhi Hath Na Rakhna Amman
Zakhm Itnay Hain Keh Utha Nahi Jaata Amman
Kitnay Armaan Meray Dill Mein Hi Damm Torh Gaye
Daikho Tanha Ali Akbar Bhi Hamen Chorh Gaye
Chid Gaya Barchi Say Akbar Ka Kalaija Amman
Zakhm Itnay Hain Keh Utha Nahi Jaata Amman
Akhri Waar Hua Katt Gaya Shabbir Ka Sar
Maan Tarhapti Rahi Zeeshan O Raza Ro Ro Kar
Goonjta Reh Gaya Maqtal Mein Yeh Noha Amman
Zakhm Itnay Hain Keh Utha Nahi Jaata Amman
Social Plugin