Ab Ankhain Khol Do Akber (as) | Mir Hasan Mir | Nohay Lyrics 2025

Ab Ankhain Khol Do Akber (as) | Mir Hasan Mir | Nohay Lyrics 2025 In Urdu Text

ہائے ہائے ہائے

ہائے اکبر، ہائے اکبر

جب سنی شاہ نے آواز جواں بیٹے کی

لاش آ کے یہ فرمانے لگے سبطِ نبی

اب آنکھیں کھول دو اکبر، سرہانے آ گیا بابا

ضعیفی میں جواں لاشہ اٹھانے آ گیا بابا

اب آنکھیں کھول دو اکبر، سرہانے آ گیا بابا

گزر جائیں گے ہم اس امتحان سے یا علیؑ کہہ کر

نکل جائے گی یہ برچھی، نہ گھبرانا میرے دلبر

تمہارا ہاتھ سینے سے ہٹانے آ گیا بابا

انہوں نے کیا سمجھ رکھا تھا، اکبر بے سہارا ہے

اشارے سے بتا دو کس نے کس نے تم کو مارا ہے

الٹ کر آستین، محشر اٹھانے آ گیا بابا

چلی آئی تھی آدھے رستے تک ثانی زہراؑ

بڑی مشکل سے بھیجا ہے قسم دے کر تیری بیٹا

بہن کیسے تڑپتی ہے بتانے آ گیا بابا

کہا تھا کس نے سینے میں تمہارے توڑ کر نیزہ

یہ منظر دیکھ کر شبیرؑ زندہ رہ نہ پائے گا

خبر کر دو اُسے، برچھی چھڑانے آ گیا بابا

لڑے ہو دیر تک، تھک تو گئے ہو گے میرے دلبر

مجھے مت روکنا ہرگز، تمہیں میری قسم اکبر

تمہارے چاند سے بازو دبانے آ گیا بابا

اٹھاتا دھوم سے میّت اگر ہوتا مدینے میں

کفن میں دے نہیں سکتا، یہی ہے درد سینے میں

عمامہ تم کو نانا کا اُڑھانے آ گیا بابا

جو روتا دیکھتی مجھ کو، تڑپ جاتی مری مادر

میں کھل کر رو نہیں پایا محمدؐ کے جنازے پر

جو آنسو رہ گئے تھے وہ بہانے آ گیا بابا

نظر کیسے لگے گی اب، بدن سانسوں سے خالی ہے

کلائی سے تمہاری کالی ڈوری کھلنے والی ہے

پھوپھی کی آخری منت بڑھانے آ گیا بابا

نظر آ جائے گا تم کو، بہن ہے اب کہاں بیٹا

اُٹھو دیکھو ہماری انگلیوں کے درمیاں بیٹا

تمہیں صغریٰ کی تنہائی دکھانے آ گیا بابا

Ab Ankhain Khol Do Akber (as) | Mir Hasan Mir | Nohay Lyrics 2025 In Roman English Text

Haye Akber, Haye Akber

Jab Suni Shah Ne Aawaz Jawan Bete Ki

Lash Aa Ke Ye Farmane Lage Sibt e Nabi

Ab Ankhain Khol Do Akber Sirhane Aagaya Baba

Zaeefi Main Jawan Lasha Uthane Aagaya Baba

Ab Ankhain Khol Do Akber Sirhane Aagaya Baba

Guzar Jayen Ge Ham Is Imtehan Se Ya Ali Keh Kar

Nikal Jaye Gi Ye Barchhi Na Ghabrana Mere Dilbar

Tumhara Hath Seene Se Hatane Aagaya Baba

Unho Ne Kya Samajh Rakha Tha Akbar Be Sahara Hain

Ishare Se Bata Do Kisne Kisne Tum Ko Mara Hai

Ulat Kar Aastin Mehshar Uthane Aagaya Baba

Chali Aai Thi Aadhe Raste Tak Sani e Zehra

Badi Mushkil Se Bheja Hai Qasam De Kar Teri Beta

Behen Kaise Tadapti Hai Batane Aagaya Baba

Kaha Tha Kis Ne Seene Main Tumhare Tod Kar Naiza

Ye Manzar Dekh Kar Shabeer Zinda Reh Na Paye Ga

Khabar Kar Do Usse Barchhi Chhudane Aagaya Baba

Lade Ho Dair Tak Thak To Gaye Ho Ge Mere Dilbar

Mujhe Mat Rookna Hargiz Tumhain Meri Qasam Akbar

Tumhare Chand Se Bazoo Dabane Aagaya Baba

Uthata Dhoom Se Maiyat Agar Hota Madine Main

Kafan Main De Nahi Sakta Yehi Hai Dard Seene Main

Amama Tum Ko Nana Ka Udhane Aagaya Baba

Jo Rota Dekhti Mujhko Tadap Jati Meri Madar

Main Khul Kar Roo Nahi Paya Muhammad Ke Janaze Par

Jo Aansoo Reh Gaye The Wo Bahane Aagaya Baba

Nazar Kaise Lage Gi Ab badan Sanson Se Khali Hai

Kalai Se Tumhari Kali Doori Khulne Wali Hai

Phuphi Ki Aakhri Manat Badhane Aagaya Baba

Nazar Aa Jaye Ga Tum Ko Behan Hai Ab Kahan Beta

Utho Dekho Hamari Ungliyon Ke Darmaya Beta

Tumhain Sughra Ki Tanhai Dikhane Aagaya Baba