Bibi Sakina Manqabat Lyrics 2021 Jashn E Sakina sa Ali Raza Irani 20 Rajab
jashne sakina jashne sakina
Ek azadar ne jab jashne sakina rakha
naam mehmano me abbas ka pahla rakha
Ghar me sarwar ke sakina ki wiladat jo hui
Arsh par jashn farishton ne wafa ka rakhaa
Ki hai abbas ne ye khas inayat hum par
Naam maddahe sakina me hamara rakha
Pucha beti ne meri nazre sakina de doon
Saamne uske jo ek paani ka kuza rakha
Dhadkane bolte quraan ke jo sun ke pali
Palne waale ne naam uska sakina rakha
Bacchiyan hain jo kanizane sakina un par
Dhoop me nikli to abbas ne saya rakha
Jab sakina ko lage pyas to bhar le kuza
Is liye qabze me abbas ne dariya rakha
Haath jode huye sab aate hain us ke dar par
Haath katwa ke bhi ghazi ne ye rutba rakha
Di ye meraj sakina ki dua ko rab ne
Parchame hazrate abbas ko uncha rakha
Karbala pahunche jo hum mahdi raza aur mazhar
Jumne ghazi ki ataon pe bharosa rakha
| Manqabat Title | Jashn E Sakina sa |
| Reciter Name | Ali Raza Irani |
| Poetry By | Mazhar Lucknowi |
| Released On | Ali Raza Irani YouTube Channel |
| Released By | NA |
| Category | Manqabat |
| Released Year | 20 Rajab 2021 |
| Posted By | Noha Lyrics |
| Soz | NA |
Social Plugin