Type Here to Get Search Results !

Ali Ka Matam Hai 21 Ramzan Noha 2021 New Noha Shahadat Imam Ali as Lyrics

Ali Ka Matam Hai 21 Ramzan Noha 2021 New Noha Shahadat Imam Ali  as Lyrics

Shaheed masjid e kufa Ali(as) ka matam hai
Lahu lahu hai mosalla Ali ka matam hai

Khuda ke ghar me ye kaesi qayamat aayi hai
Ali ne haalat e sajda me tegh khai hai
Lahu se tar hai amama Ali ka matam hai

Mahe sayam me kaisa ghazab hai wa waila
Tar apne khu'n me ameer e arab hai wa waila
Kaleja phatta hai sabka Ali ka matam hai

Ali ke gham me qaodo qayam rote hain
Sajood rote hain paiham salam rote hain
Namazen karti hai giriya Ali ka matam hai

Namaziyon pe ye aayi hai kaesi sakht ghadi
Tadap raha hai mosalle me mustafa ka wasi
Har ek samt hai nauha Ali ka matam hai

Tadap ke roti hain kulsoom o zainab e dilgeer
Or ek samt hain be haal shabbar o shabbir
Yateem bachchon ke baba Ali ka matam hai

Shaqi ne kaisa sitam murtaza pe dhaya hai
Lahad me mursale azam ko khu'n rolaya hai
Nabi ki qabr me barpa Ali ka matam hai

Pachaden khul me khati hain fatima zahra
Lahu ke ashk bahati hain fatima zahra
Khuda hi jaane ye kaisa Ali ka matam hai

Yateem o mufliso nadar aahen bharte hain
Tamam kufe ke lachar bain karte hain
Hamare aaqa o maula Ali ka matam hai

Shabih kufe me kaisa hua hai hashr bapa
Zamee'n se arsh talak hai Ali Ali ki sada
Raza udas hai duniya Ali ka mata hai

Noha Title Ali as Ka Matam Hai
Reciter Name Shabih Gopalpuri
Poetry By Maulana Hasan Raza
Released On  Azadari ChitoraYouTube  Channel
Released By NA
Category Noha
Released Year 21 Ramazan 2021
Posted By  Noha Lyrics
Soz NA

Top Post Ad

Below Post Ad

Send Noha Lyrics
Right click is disabled for this website.