Fatima Mazlooma Ayam e Fatimiyah 1443 New Noha

 Fatima Mazlooma Ayam e Fatimiyah 1443 New Noha

Fatema s.a Fatema s.a Mazlooma 

Sayyada s.a Sayyada s.a Maghmooma 

Salaami dete the jis dar pe roz Paighambar (s.a.w), 

Jaha'n pe bante the darbaan khud malak aakar

Jaha'n ki khaak thi surma baraye ahle nazar,

Faqeer ban ke jaha'n khush the Buzar (r.a)o Qambar (r.a)

Hai zad pe sholo'n ki baade Rasool (s.a.w)e haq wahi dar ,

Nabi (s.a.w) ke baad waha'n zulm aisa dhaya gaya

Rasool(s.a.w) e paak ki beti ka ghar jalaya gaya.

Jaha'n pe Hoor o Malaik salaam karte the , Wo ghar ke jiska Nabi (s.a.w) ehteram karte the

Wo ghar jaha'n pe Farishte qayam karte the , Jaha'n pe Hazrat e Jibreel (a.s)kaam karte the

Ali a.s jaha'n pe basar subh o shaam karte the

Pase Rasool (s.a.w) usi ghar se uth raha hai dhuwa'n

Falak shigaaf hai binte Nabi (s.a.w) ki aaho fugha'n

Adu ne dhayi qayamat Batool (s.a) ke ghar pe , Giraya jalta hua dar Nabi (s.a.w) ki dukhtar pe

Na socha qabr me guzregi kya Payambar(s.a.w) pe , Ghamo'n se sakta hai Shabbeer(a.s) aur Shabbar(a.s) pe,

Jafayen hote hue dekhte hain maadar pe

Nabi (s.a.w) ki ladli beti pe wo sitam tuta,

Shaheed ho gaye Mohsin (a.s) shikam me wawaila

Uthi Batool (s.a.) jo ghash se ajeeb manzar tha,

Lebas bibi ka Mohsin (s.a) ke khoon se tar tha,

Shikasta pasli thi or samne ye manzar tha,

Sitam tha Ahle Madina guluwe Haider a.s tha,

Jafa thi nargha tha aur Fatema s.a ka shauhar tha

Batool (s.a) galiyon me fariyad karti aayi thi

Ali (a.s) ko teghe adu se bacha ke layi thi

Sadaye subbat alaiyya thi aur Madina tha,

Sitam the Fatima Zahra (s.a) thi aur Madina tha,

Nabi s.a.w ki aal thi iza thi aur Madina tha

Nabi s.a.w ki ek yatima thi aur Madina tha

Jawan saala zaifa thi aur Madina tha

Har ek zulm ko binte Rasool s.a.w sahti thi

Wo apna dard Ali a.s se magar na kahti thi

Uthai kitni musibat Rasool (s.a.w)ki dukhtar ,

Hayat uski guzarti thi zulm sah sah kar,

Guzari umr wilayat ki ban ke sina sipar,

Sukoon maut ne usko to de diya tha magar,

Wo mar ke kar gai soona Abu Turab a.s ka ghar,

Ali a.s ke bachche hain or Fatima s.a ka matam hai

Ali a.s bhi toot gaye jissey ye wahi gham hai

Lahed zamane se Zahra s.a ki kyon chhupate hain 

Ye kis liye kayi qabren Ali a.s banate hain 

Janaz Zahra s.a ka kyon raat me uthate hain 

Ye kis khayal se rah rah ke kanp jate hain 

Yateem apni sadaon ko kyon dabate hain

 Badan ko or aziyat kahin na di jaye

 Hai khauf lash ki be hurmati na ki jaye

Aduwe aal se rishton ko jodne walon

Batao daman e itrat ko chhodne walon

Nabi s.a.w ki aal se rukh apna modne walon

Batao daste adalat marodne walon

Rasool s.a.w zadi ki pasli ke todne walon

Nabi s.a.w ko hashr me munh kis tarah dikhaoge

Nabi s.a.w ki beti ko tum kya rula ke paoge

Nabi s.a.w ki aal se itna dilon me kina hai 

Shabih aaj bhi Zahra s.a pe zulm hota hai 

Jo kalma goh the unhi ne mazar toda hai 

Lahed pe Bibi s.a ki qubba hai or na saya hai 

Salam karne pe binte Nabi s.a.w k pahra hai 

Hazeen aaj bhi qalbe Rasool s.a.w hai Asghar 

Musibaton me ghiri hai Rasool s.a.w ki dukhtar 

Noha Title	Fatima Mazlooma
Reciter Name	Shabih Gopal puri
Poetry By	Maulana Nadeem Asghar
Released On	Ismat TV YouTube  Channel
Released By	NA
Category	Noha
Released Year	Ayam e Fatimiyah 1443
Posted By	Noha Lyrics
Soz	NA

Must Read: Ap ka Baad Maray Dil ko Dukhaya