Madar ki Siskiyan Ayam e Fatimiyah 2022 New Noha
BHOOLI NAHI HASSAN A.S KO MADAR KI SISKIYAN BHI
QUNFUZ KA TAZIYANA , AUR NEEL KA NISHAN BHI
Uthti thi hath Rakh key kandhoun pe wo hamaare
Chalti thi Ghar mein Amma dewaar key sahare
Pehlo mei zakhm Kaari,tooti thi pasliyan bhi
Nana ne ehtraaman Jin k lie thy bosey
Sehte rahe hain durre us ke wo hath Jin se
Peesi Hain Zindagi Bhar Amma Ney chakiyaan BHi
Khairun Nisa pe kaise wo sakhtiyoun key din thy
Gosha nasheen shohar,bete sagheer sin thy
Dete thy darr pe zalim , AA AA ke dhamkiyan BHI
Mur mur key bebasii se beton Ko Dekhti thi
Ro ro ke Baba Jaan Ko patke se kenchti thi
Sheer e khuda Ko daali logon ne reesmaan BHI
Deti rahi khari wo ghanton taweel khutba
Haq me utha na phir Bhi kursi nasheen majma
Kar ke saanad ke tukre hanste thy hukmuraan BHI
Kese ghaiyoor beta ab us Gali me jae
MADAR giri jahan par Khaa Kar tammacha haye
Binte rasool Ko dein zaalim ne jhirkiyan BHI
Ummat ki bebasii Ka ehwaal sub Sunaa Kar
Behosh hogai maa qabre Nabi pe jaa kr
Uthti rahi lehad se nana ki hichkiyan BHI
Darwaza phir Hassan ki yadoun me jal Raha hai
Fizza mujhe sambhalo Mohsin Nahi bacha hai
Guthti rahi sadaain , Bhartaa Raha dhowaan bhi
| Noha Title | Madar ki Siskiyan |
| Reciter Name | Ahmed Raza Nasri |
| Poetry By | Sayeda Naqvi |
| Released On | Ahmed Raza Nasri YouTube Channel |
| Released By | NA |
| Category | Noha |
| Released Year | Ayam e Fitimiyah 1443 |
| Posted By | Noha Lyrics |
| Soz | NA |
Social Plugin