Shah Ast Hussain || Farhan Ali Waris New Manqabat

 Shah Ast Hussain 3 Shaban New Manqabat

Guzri Haseen Zindagi is Aan Baan Say

Touheed Bolti Rahi Teri Zaban Say

Bat te Hain Jannat o Kay Ghar Tere Makan Say

Sar e  Arsh Tera Lehray Alam

Koi Tujh Sa Nahi Konain Main Sultan Hussain as

Tevar Haseen Or Haseen Andaz e Guftugo

Aise Bane Sajay Huay Alfaz Ro Ba Ro

Jaise Namazi Behtay Hun Masjid Main Ba Wazo

Lagta Hai Hamain Woh Tera Bayan 

Jab Parhte Hain Hum Surahe Rehman Hussain as

Likha Huwa Hai Khoon Say Sar Zeena e Hadeed

Karbobala Kay Dasht Main Huwa Maarka Shadeed

Zinda Mera Hussain(a.s.) Hai Maara Gaya Yazeed

Jo Sham O Sahar Hoti Hai Azaan

Hota Hai Yeh Teri Jeet Ka Elan Hussain as

Kata Galay Say Tegh Ka Tunay Gala Hussain as

Qaim Hai Do Jahan Main Tera Dab Daba Hussain as

Nara Hai Teri fouj Ka Labbaik Ya Hussain as

Har Aehle Aza Har Momin Kay

Yehi Naara Labo Pay Rehta Hai Har Aan Hussain as

Bay Ghar Khuda Kay Din Ko Dekha Tu Ghar Dia

Nabiyo Say Jo Na Hosaka Woh Kam Kardia

Sajdo Say Tunay Khana e Kaba Ko Bhardia

Az Roz e Azal Ta Roz e Abad 

Hai Sare Zamano Par Tera Ahsan Hussain as

Eman Ki Rooh Ishq Ka Kaaba Hussain as Hai

Parhta Hai Jisko Deen Woh Kalma Hussain as Hai

Jisko Khuda Manay Woh Banda Hussain as Hai

Is Baat Say Yeh Bhi Sabit Hai

Tujh Per Hai Bohot Allah Ko Bhi Maan Hussain as

Uski Nigaaha Main Tera Rutba Buland Hai

Quran Aaj Bhi Tera Ahsaan Mand Hai

Batil Ki Uskay Samnay Awaz Bandh Hai

Har Majlis Main Har Mehfil Main

Bus Teri Hi Batain Karta Hai Quran Hussain as

Abbas as Bhi Hussain as Hai Akbar as Bhi Hai Hussain as

Zehra s.a Kay Lal Noor Ka Pekar Bhi Hai Hussain as

Kul Kainat Hussn Ka Mehwar Bhi Hai Hussain as

Tujh Jaisa Haseen Koi Bhi Nahi

Hai Tujh Pe Fida Yeh Gohar O Farhan Hussain as

Noha Title	Shah Ast Hussain
Reciter Name	Farhan Ali Waris
Poetry By
Released On	Farhan Ali Waris YouTube  Channel
Released By	NA
Category	Manqabat
Released Year	3 Shaban 1443
Posted By	Noha Lyrics
Soz	NA