Kash Akbar Mere Laashe Ko Uthata Zainab New Noha  Lyrics 2024 |  Zeeshan Abidi

 Kash Akbar Mere Laashe Ko Uthata Zainab New Noha  Lyrics 2024 |  Zeeshan Abidi New Noha  Lyrics 2024 |  Zeeshan Abidi In Urdu Text

جب  آئے  ضعیفی   میں   جواں   لاش  اُٹھاکر

خیمے  میں  قدم  رکھکے یہ کہنے   لگے  سرورؑ

کاش   اکبرؑ    میرے    لاشے   کو   اُٹھاتا  زینبؑ

رہ    گیا   دل    میں   یہ  ارمان   ادھورا زینبؑ

میرا    بیٹا     میری    میت    کو    اُٹھائے  آکر

دیکھو   ہر   باپ   کا  ارمان  یہ  ہوتا  ھے   مگر

میرے   کاندھے   پہ   ھے  اکبرؑ  کا  جنازہ زینبؑ

کوئی  کہتا  تھا  یہاں  کوئی  وہاں   ھے    اکبرؑ

کچھ  دکھائی  نہیں  دیتا  تھا  کہاں  ھے  اکبرؑ

لاش   پر  گرتے   سمبھلتے  ہوئے  پہنچا   زینبؑ

زخمی  سینہ  ھے  بدن  سارا  لہو  میں  تر  ھے

تم  نہ  پہچان  سکو  گی  یہ   علی  اکبرؑ    ھے

برچھیوں  والوں   نے   اتنا   اسے   مارا   زینبؑ

اسکی   اٹھارویں    منت  نہ   بڑھائی  ھم   نے

اِس جواں بیٹے کی  شادی  نہ   رچائی ھم  نے

کتنا  ارمان  تھا  ماتھے  پہ  ہو   سہرا     زینبؑ

مار  کر  اسکے  کلیجے  میں  سناں  توڑی   گئی

تم  نے  اچھا  ہوا دیکھی   نہیں  تکلیف  اسکی

ایڑیاں  میں   نے  رگڑتے   ہوئے    دیکھا   زینبؑ

ھائے  غربت   نہ  کسی  باپ   پہ   آئے    ایسی

یاعلیؑ  کہکے  جو  سینے   سے   نکالی  برچھی

ساتھ  برچھی    کے    نکل   آیا   کلیجہ  زینبؑ

مرگیا   بھائی    وطن    جاکے    بتادینا    اُسے

اُس  سے   پہلے   میرے  عابدؑ  سے ملادینا اُسے

یہ  خبر  سنتے   ہی   مرجائے   نہ  صغراؑ زینبؑ

روکے  ذیشان  کہا  شہؑ  نے  یہ  سوچو  بی بیؑ

غم  میں  عباسؑ  کے  پہلے  ہی کمر ٹوٹی تھی

کیسے  بیٹے    کا   جواں   لاشہ   اُٹھایا  زینبؑ