Ridawan Qaid Hogayiyan Maawa,n Qaid Hogayiaan | Mir Hasan Mir Noha 2024
Ridawan Qaid Hogayiyan Maawa,n Qaid Hogayiaan | Mir Hasan Mir Noha 2024 In Urdu Text
رداواں قید ہوگئیاں تے ماواں قید ہو گئیاں
رسن دے وچ سکینہ دی صداواں قید ہوگئیاں
بھرا دی لاش تے زینب اے رو کے وین کردی سی
دو باہواں کٹ گئیاں غازی دو باہواں قید ہوگئیاں
سناں تے چار بچڑے سن رقیہ رسیاں دے وچ
ایویں ام البنین ماں دی وفاواں قید ہوگئیاں
اے زینب رو کے کیندی سی جگا کے غش توں عابد نوں
سراں لئی خاک رہ گئی اے رداواں قید ہوگئیاں
سناں تے بابے نوں تک کے سکینہ وین کر دی سی
کیویں تینوں ملنڑ دے لئی میں آواں قید ہوگئیاں
سر اصغر نوں تک تک کے رباب اے وین کر دی اے
میرے ہنسدے ہوئے چند دی اداواں قید ہوگئیاں
رقیہ آکھیا تکیا جدوں سر علماں والے دا
میں کنج ظالم توں سر تیرا چھڑاواں قید ہوگئیاں
اندھیرے قید خانے وچ سکینہ وین کر دی سی
ایویں لگدا اے سورج دی شعاواں قید ہوگئیاں
دتا سجاد نے خطبہ کہ شامی لوگ نہ آکھن
بنی ہاشم دے کنبے دی اداواں قید ہوگئیاں
ہتھاں وچ زہرا جائیاں دے پوا کے رسیاں اکبر
تے ہنس کے کیندے رہے شامی صداواں قید ہو گئیاں
Social Plugin