Lakh Lakh Salam Howy Zahra Noha Lyrics

 Lakh Lakh Salam Howy Zahra Noha Lyrics In Urdu Text

لکھ لکھ سلام ہووے زہرا چن حسینا 

لکھ لکھ درود بھیجے قیدی بہن حسینا 

ہوندا وطن مدینہ چن ویر تون نگینہ

منتاں چوں میں منگلیدی تیرا کفن حسینا 

لہراندے میں ردا نوں تڑپاندے با وفا نوں

غازی دے سر نوں پھڑ کے ظالم ہسن حسینا

تِیراں دے نال سجیا پتھراں دے نال کجیا 

چمدی اے پئی سکینہ تیرا بدن حسینا

دلہن اے قید ہوئی گل لا کے مینوں روئی

ٹکڑے نیں جس دے ہوئے سجرے شگن حسینا

وچھڑے نہ میرا اکبر رکھیں نال سوہنا اصغر 

پتراں دے نال ہوئیں کربل دفن حسینا 

بنڑ گئیاں ویر قبراں مینوں ملن اے خبراں 

مینوں شام لوکی سارے آکے دان حسینا

چھپناں نئیں خون تیرا پختہ یقین میرا 

بھاویں یزید لاوے سارے جتن حسینا 

کوفی پتھر مریندے ہس ہس کے طعنے دیندے

رو آکھے زہرا جائی کن لا کے سن حسینا 

باغی نئیں توں امام ایں ایو کہنا ویر شام ایں

اجڑی دا ایو وعدہ روسی زمن حسینا 

عادل علی دی جائی رو رو دیوے دہائی

اجڑی رسول زادی سارے وسن حسینا