Tari Sakina Baba | New Noha Lyrics 2025

Tari Sakina Baba | New Noha Lyrics 2025 In Urdu Text

چار برسوں میں ہوئی ہوں میں ضعیفہ بابا

 مجھ کو پہچان میں ہوں تیری سکینہ بابا

 ترے قاتل نے ترے بعد ہے اتنا مارا

میرے چہرے کی بدلتی ہوئی رنگت دیکھو

 شدت پیاس سے ہونٹوں کی یہ حالت دیکھو 

دیکھو رسی سے بندھا ہے تیری بیٹی کا گلا

نوک نیزہ پر کیا آپ نے اے بابا سفر 

راه پر خار پہ گزرا ہے میرا سارا سفر

 اتنی زخمی ہوں قدم بھی نہیں اٹھتا بابا

جس طرح سے لب و رخسار ترے زخمی ہیں 

اس طرح سے لب و رخسار مرے زخمی ہیں

 تیری طرح تیری بیٹی کا ہے زخمی چہرہ

کوئی صدقہ تو کوئی پھینک رہا ہے پتھر 

کوئی ہنستا ہے مجھے باغی کی بیٹی کہہ کر 

ہر قدم تیری سکینہ پر ہوا ظلم نیا

اماں زھرا کی تجھے آتی تھی مجھ سے خوشبو 

جھک گئی میری کمر زخمی میرا ہے پہلو

 چار برسوں میں ہوئی ہوں میں شبیہ زھرا

درد یہ کس کو سنائے بھلا تیری بیٹی  

ترے رخسار پہ رخسار نہیں رکھ سکتی

 ظلم ایسا تو یتیموں پر کہیں بھی نہ ہوا