Chala Gaya Abbas | Syed Raza Abbas Zaidi | Nohay Lyrics 2025

Chala Gaya Abbas | Syed Raza Abbas Zaidi | Nohay 2025 In Urdu Text

علم جو دریا سے آتا ہوا دکھائی دیا

سکینہؑ در پہ جو پہنچیں تو باپ کو دیکھا

یہ رو کے بچی نے پوچھا کہاں ہیں میرے چچا؟

علم سکینہؑ کے ہاتھوں میں دے کے شاہؑ نے کہا:

علم بڑھا دو سکینہؑ، چلا گیا عباسؑ

حسینؑ ہو گیا تنہا، چلا گیا عباسؑ

یقین آتا نہیں تھا کہ مر گیا غازیؑ

میں تھپ تھپاتا رہا اُس کے گال، اے بیٹی

مگر حسینؑ کی اُس وقت آس ٹوٹ گئی

جب آ کے ماں نے بتایا، چلا گیا عباسؑ

سکینہؑ پانی سے کس کی نظر اتارو گی؟

تم ابّو جان کسے کہہ کے اب پکارو گی؟

وہ یاد آئے گا جب شام تم سدھارو گی

نہیں ملے گا دوبارہ، چلا گیا عباسؑ

پہنچ کے دریا پہ مشکیزہ جب بھرا اُس نے

سکینہؑ، یاد تیری پیاس کو رکھا اُس نے

تھا اُس کے سامنے پانی، نہیں پیا اُس نے

تمہاری طرح سے پیاسا، چلا گیا عباسؑ

کسی نے گرز جو مارا تو وہ سنبھل نہ سکا

کٹے تھے ہاتھ، سہارا وہ کس طرح لیتا؟

زمین پہ ایسے گرا، زخمی ہو گیا چہرہ

دوبارہ اٹھ نہیں پایا، چلا گیا عباسؑ

کہاں کہاں اُسے روئی ہے میری تنہائی

کہیں بدن تھا، کہیں ہاتھ، کیا گھڑی آئی

بکھر گیا مرا بتیس سال کا بھائی

پڑا ہے دشت میں لاشہ، چلا گیا عباسؑ

جواں بھائی کا مر جانا سخت منزل ہے

میں کیسے زندہ ہوں، یہ جانتا مرا دل ہے

مگر سکینہؑ، یہ ایک کام سب سے مشکل ہے

تری پھوپھی کو بتانا، چلا گیا عباسؑ

لگا ہے ہاتھ پہ جو خون، یہ اُسی کا ہے

تھی اُس کی آنکھ میں جو تیر، میں نے کھینچا ہے

وہ جانتا تھا مرے دل میں کیا تمنا ہے

پکار کر مجھے "بھیا"، چلا گیا عباسؑ

زمین پہ گرنے سے دنداں اُس کے زخمی تھے

کٹے تھے ہونٹ، بدن چور چور زخموں سے

تم ایسے حال میں غازیؑ کو دیکھتی کیسے؟

تبھی تو گھر نہیں آیا، چلا گیا عباسؑ

گھڑی وہ آئی تھی ذیشان اور رضا کیسی

کہا یہ خیموں میں جب شاہؑ نے، مر گیا غازیؑ

گرے زمین پہ غش کھا کے بیبیاں ساری

کوئی بھی سن نہیں پایا، چلا گیا عباسؑ

Chala Gaya Abbas | Syed Raza Abbas Zaidi | Nohay 2025 In Roman English

Ilm jo darya se aata hua dikhai diya

Sakinaؑ dar pe jo pohanchin to baap ko dekha

Yeh ro ke bachi ne poocha kahan hain mere chacha

Ilm Sakinaؑ ke haathon mein deke Shahؑ ne kaha

Ilm barha do Sakinaؑ, chala gaya Abbasؑ

Husainؑ ho gaya tanha, chala gaya Abbasؑ

Yaqeen aata nahi tha ke mar gaya Ghaziؑ

Main thap-thapata raha uske gaal, aye beti

Magar Husainؑ ki us waqt aas toot gayi

Jab aake maa ne bataya, chala gaya Abbasؑ

Sakinaؑ paani se kis ki nazar utaarogi

Tum abbu jaan kise kehke ab pukarogi

Woh yaad aayega jab Shaam tum sidharogi

Nahin milega dobara, chala gaya Abbasؑ

Pohanch ke darya pe mashkeezah jab bhara usne

Sakinaؑ yaad teri pyaas ko rakha usne

Tha uske saamne paani, nahin piya usne

Tumhari tarah se pyaasa, chala gaya Abbasؑ

Kisi ne gurz jo maara to woh sambhal na saka

Kate the haath, sahaara woh kis tarah leta

Zameen pe aise gira, zakhmi ho gaya chehra

Dobara uth nahin paya, chala gaya Abbasؑ

Kahan kahan use royi hai meri tanhaai

Kahin badan tha, kahin haath, kya ghari aayi

Bikhar gaya mera battis saal ka bhai

Pada hai dasht mein laashah, chala gaya Abbasؑ

Jawaan bhai ka mar jaana sakht manzil hai

Main kaise zinda hoon yeh jaanta mera dil hai

Magar Sakinaؑ, yeh ek kaam sab se mushkil hai

Teri phoophi ko batana, chala gaya Abbasؑ

Laga hai haath pe jo khoon, yeh usi ka hai

Tha uski aankh mein jo teer, maine kheencha hai

Woh jaanta tha mere dil mein kya tamanna hai

Pukaar kar mujhe Bhaiya, chala gaya Abbasؑ

Zameen pe girne se dandan uske zakhmi the

Kate the hont, badan choor choor zakhmon se

Tum aise haal mein Ghaziؑ ko dekhti kaise

Tabhi to ghar nahi aaya, chala gaya Abbasؑ

Ghadi woh aayi thi Zeeshan aur Raza kaisi

Kaha yeh kheemon mein jab Shahؑ ne, mar gaya Ghaziؑ

Girein zameen pe ghash khaake Bibiyan saari

Koi bhi sun nahi paya, chala gaya Abbasؑ