Zaeefa Kon Ho Tum | Bibi Sakina Noha Lyrics | Farhan Ali Waris 

Zaeefa Kon Ho Tum | Bibi Sakina Noha Lyrics | Farhan Ali Waris In Urdu Text

سفر میں نیزا جب ظالم نے مارا

گِریں ناقے سے غش کھا کر سكینہؑ

کُھلی جب آنکھ تو منظر یہ دیکھا

ہے گُودی میں لیے کوئی ظعیفہ

تھا چہرے پر نقاب اُس كے

لگا تھا خون ہاتھوں پہ

نا جانے کیا خیال آیا

سكینہؑ نے کہا رو كے

سكینہؑ نے یہ کہا رو كے

سُنو خاموش کیوں ہو تم

ہماری جان جاتی ہے

تُمھارے پاس سے باباؑ کی

مجھ کو خوشبو آتی ہے

سكینہؑ کو بتاؤ نا

ظَعیفہ کون ہو تم

سكینہؑ پر بہت دن بعد ایسا وقت آیا ہے

کسی نے پیار سے آغوش میں اپنی سُلایا ہے

گئے ہیں جب سے بابا چھوڑ كے سب نے رُلایا ہے

میرے نازک سے رُخصاروں پہ بھاری ہاتھ اُٹھایا ہے

مگر تم نے میرے گالوں پہ جب سے ہاتھ پھیرا ہے

کمی ہے درد میں تم سے کوئی تو رشتہ میرا ہے

کبھی مجھ کو گِرانے كے لیے مارا ہے دُرّے سے

کبھی رہوار دوڑایا کبھی مارا ہے نیزے سے

اُسے معلوم تھا مر جائوں گی تیزی سے گرنے سے

لعین نے جان کر مجھ کو گِرایا چلتے ناقے سے

اگر تھامہ نہیں ہوتا مجھے تم نے یہاں بی بی

میری دادی کی طرح ٹوٹ جاتیں پسلیاں میری

ہمیشہ سے میرا بِستر میرے بابا کا سینہ تھا

مگر اِک دِن پھوپھی كے ساتھ یہ مقتل میں دیکھا تھا

میرے باباؑ کا قاتل بھی اسُی سینے پہ بیٹھا تھا

گُلوِ خُشک پر خنجر سے گِن کر وار کرتا تھا

لگا ہے جو تُمھارے ہاتھ پہ وہ خون کس کا ہے

ہیں زخمی اُنگلیاں جیسے کسی خَنجر کو روکا ہے

میرے چھینے ہیں گوہر تعزیانے بھی لگائے ہیں

گَلا رَصی میں باندھا بے رِدا بازار لائے ہیں

سَرِ عَباسؑ كے آگے طماچے میں نے کھائے ہیں

سفیدی آ گئی بالوں میں اِتنے غم اُٹھائے ہیں

ضَعیفوں کی طرح سہارا لے كے چلتی ہوں

كے اب میں چار برسوں میں تمھارے جیسی لگتی ہوں

میں سعیدانی ہوں اور اِس بات پر میں فخر کرتی ہوں

مگر اِک زخم ایسا ہے میں جس سے روز مرتی ہوں

مجھے دیتے ہیں سب صدقہ جہاں سے بھی گُزرتی ہوں

نظر جب شمر آتا ہے تو چُھپ جاتی ہوں ڈرتی ہوں

جو بُرقع تُم نے پہنا ہے یہ سید زادیوں کا ہے

بتاؤ کیا یہاں تُم کو میری دادی نے بھیجا ہے

یہاں کوئی نہیں آئیگا ہے چاروں طرف صحرا

نقاب اپنا ہٹاؤ دیکھ لوں اِک بار میں چہرہ

نا جانے کیوں مجھے یاد آتی ہے دادی میری زہراؑ

میری طرح تُمھارے رُخ پہ بھی کیا زخم ہے گہرا

میرے چہرے پہ ظالم کی انگوٹھی كے نشانوں کا

ظَعیفہ واسطہ تُم کو میرے اِن زَخمی کانوں کا

یہ سُنتے ہی ظَعیفہ نے کہا میں تیری دادی ہوں

تیرے بابا کا خوں ہاتھوں پہ اپنے ساتھ لائی ہوں

تُجھے رہوار سے گِرتے ہوئے نا دیکھ پائی ہوں

جب ہی تُجھ کو بچانے کربلا سے شام آئی ہوں

کہا ذیشانؔ اور فرحان بچی سے یہ زہراؑ نے

نقاب اپنا ہٹا دوں گی نا اَب تُم پوچھنا ہم سے

Farhan Ali waris