Laashay Pay Naujawan Kay Shahid Baltistani New Noha 2021 Hazrat Ali Akbar as in Urdu
ہائےعلی اکبرؑ۔۔
لاش اکبر کی جو مقتل سے اُٹھا لائے حسینؑ
ایک کہرام تھا خیمے میں جو مولا نے کہا
لاشے پہ نوجواں کے چادر اُڑھاؤ زینب
اکبر کا زخمی سینا ماں سے چُھپاؤ زینب
بینائی بھی نہیں ہے خط کسطرح پڑھوں گا
میں اُس سے کیا کہوں گا
قاصد ہے آنے والا اس کو جگاؤ زینب
بھائی کا غم اٹھانا آساں نہیں ہے بی بی
جی بھر کے رو لے وہ بھی
خیمے میں نوجواں کی بہنیں بلاؤ زینب
کر لو بہن تصور ارمان کچھ تو نکلیں
ہم سہرا پڑھ رہے ہیں
تم اپنے نوجواں کو دولہا بناؤ زینب
کُرتا لہو میں تر ہے مل جائے گا کفن بھی
خواہش بھی ہوگی پوری
اکبر کی شادی والی پوشاک لاؤ زینب
شاید اسی طرح سے دل کو قرار آئے
بینائی لوٹ جائے
آنکھوں سے نوجواں کا کُرتا لگاؤ زینب
مجھ سے زیادہ تم سے نزدیک یہ رہا ہے
تم کو تو سب پتہ ہے
اکبر کے بچپنے کی باتیں سناؤ زینب
لیلٰی کا حال عجب ہے جب سے خبر ہے آئی
دیتا نہیں دکھائی
بازو پکڑ کے ماں کا لاشے پہ لاؤ زینب
لاشہ لیئے تکلم خیمے سے شہہ جو نکلے
رو کر بہن سے بولے
رخصت یہیں سے کردو باہر نہ آؤ زینب
| Noha Title | Lashay Pay Naujaan Kay |
| Reciter Name | Shahid Baltistani |
| Poetry By | Mir Takalum |
| Released On | Shahid Baltistani YouTube Channel |
| Released By | NA |
| Category | Noha |
| Released Year | Muharram 1443 |
| Posted By | Noha Lyrics |
| Soz | NA |
Social Plugin