Aisa alam hai kahaan Noha Lyrics in Urdu

 Aisa alam hai kahaan Noha Lyrics in Urdu

Ya Abbas

Aisa alam hai kahaan, aisa jawaan hai kahaan 

Ye hai Abu Talib ka gharana, Is pe Khuda ka khas karam hai,

Sare Arab me sare ajam me, kisko mila ye jaaho hasham hai

in me koi yasin-o-muzammil, in me koi sardar-e-iram hai 

Uski alag hi shan hai maula, jisko mila haider ka alam hai

Aisa alam hai kahaan, aisa jawaan hai kahaan 

Kaisa saja hai kaisa hasin hai, karbobala mei shah ka lashkar,

yoon to sabhi hai sheyr-e-dilawar, Auno Muhammad Qasim-o-Akbar

Ibne Mazahir Wehbe Kalbi, John bhi Hur bhi sare dilawar 

Apni jagha ye sab hai bahaddur, Faoj me teri ay shah-e-safdar

Aisa alam hai kahaan, aisa jawaan hai kahaan 

Baade namaz-e-fajr ziyarat, tere alam ki karta hu,

sharf ghulami ka mil jaye, mai ye wazifa parhta hu

karke ziyarat tere alam ki, phir me ghar se chalta hu 

Saye mei chawda masoomo ke, shukhre khudaa mei rehta hu

Aisa alam hai kahaan, aisa jawaan hai kahaan 

Ham to sag-e-darbar-e-Ali hai, khas ye tujse rishta hai,

jad bhi hai tera Qul ka maula, tu bhi hamara aaka hai

tere fakiro me ay Ghazi, Arsh nasheen bhi rehta hai

Sindh me aawo maula kadam par, laal kalandar kehta hai

Aisa alam hai kahaan, aisa jawaan hai kahaan 

Shaam ke lashkar me halchal thi, kaun jari ab aata hai,

burhay jawaano se kehte the, yeh to Ali ab aata hai

sar pe khuda thokar me kazaa hai, qahre jali ab aata hai

Kehna para Ahmed ko Ali se, tera wasi ab aata hai

Aisa alam hai kahaan, aisa jawaan hai kahaan 

Teri shahadat se kunbe par, kaisi qayamat tut gayi,

jis ko kahaan karte the aaka, katl huwa wo bhayi bhi

Sar se chini Zainab ke chadar, teri Sakina qaid huwi 

Haey teri majboori Ghazi, Maa Zehra ye kehti rahi

Aisa alam hai kahaan, aisa jawaan hai kahaan 

Noha Title	Aisa alam hai kahaan
Reciter Name	Nadeem Sarwar
Poetry By	Rehan Azmi
Released On	Nadeem Sarwar YouTube  Channel
Released By	NA
Category	Noha
Released Year	2004
Posted By	Noha Lyrics
Soz	NA