Noha Chehlum 2022| Dasta Ala Aba Sakimedan Skardu 2022

Noha Chelum 2022| Dasta Ala Aba Sakimedan Skardu 2022 

سوچ کر یہ ایک ننھی لحد پر عابدؑ گرا 

کیسے ذینبؑ سے کہے یہ تربت عباسؑ ہے

آج پھر سجادؑ پر ہے حشر جیسا مرحلہ 

کیسے ذینبؑ سے کہے یہ تربت عباسؑ ہے 

 ہاتھ ہی چادر تھے جس کے ایسا بھائی تھا مگر 

کیا یقیں ہوگا بہن کو ننھی تربت دیکھ کر

روئے گی عابدؑ سے کہہ کر غازیؑ ایسا تو نہ تھا

قید میں چالیس روز شب تھا بس ارماں یہی 

قبر پر عباسؑ کی آنسو بہانے جاوں گی 

دیکھ کر تربت بہن کو آ ہی نہ جائے قضا

 شام کے قیدی نے گر کر جس گھڑی فریاد کی 

آگئی ساری لحد آغوش میں سجادؑ کی 

یہ تھی تربت باوفا کی یا سکینہؑ کی ردا

زخمی ہاتھوں کو رکھا یوں مختصر سی قبر پر

اور کی فریاد عابدؑ نے نجف کو دیکھ کر

یہ ترا مظلوم عابدؑ یا علیؑ مشکل کشا 

ہے لحد کا حال ایسا کہ دکھا سکتا نہیں

کس طرح تربت بنائی ہے بتا سکتا  نہیں

شام سے کربل تلک وہ سوچ کر روتا رہا 

باوفا کی قبر پر زینب ؑسنبھل نہ پائے گی 

بہن کی فریاد سن کر قبر بھی ہل جائے گی 

ہے بہت دشوار یارب امتحاں سجادؑ کا 

جانتا عابدؑ ہے بکھری لاش تھی عباس کی 

شام کی راہوں میں ذینبؑ اتنے پتھر کھاگئی

کیسے غازیؑ سے کہے یہ حال ذینبؑ کا ہوا 

جس طرح اولاد کی میت پہ گر جاتی ہے ماں

گر پڑی ذینبؑ لحد پر سن کے عابدؑ کی فغاں

لب سے جو نہ کہ سکا وہ آنسوؤں نے کہہ دیا

کلام : عارف سحاب