Abbas Pa Young Zulum Dahata Rah Gya | New Noha Lyrics 2024 

Abbas Pa Young Zulum Dahata Rah Gya | New Noha Lyrics 2024 In Urdu Text

ہر کوئی عباس پر یوں ظلم ڈھاتا رہ گیا

آمد شبیر تک لاشہ بھی آدھا رہ گیا

ایک اک لاشہ اٹھا میدان سے دونوں طرف

بس وہاں عباس اور مولا کا لاشہ رہ گیا

رکھ کے خیمے میں علم شہ نے طنابیں کاٹ دیں

یوں تصور میں کفن بھائی کو دیتا رہ گیا

دو کٹے بازو اُٹھا کر اُٹھ نہ پایا خاک سے

جس جگہ بیٹھا وہیں شبیر بیٹھا رہ گیا

ماں یہ کہتی تھیں پکارو مت مجھے بیٹوں کی ماں

سو گیا عباس تو پھر کون زندہ رہ گیا

کیسے نیزے پر وہ نظروں میں سکینہ کی رہے 

اس لیے شاید سر عباس گرتا رہ گیا

جس نے چلنا سیکھا اکبر زینب و کلثوم سے

اُس کا سر بھی چادروں سے دور چلتا رہ گیا