Kya Ye Wo Chand Hai | Ali Mohammad Sultanpuri NohaLyrics 2024 

Kya Ye Wo Chand Hai | Ali Mohammad Sultanpuri NohaLyrics 2024 In Roman English Text

 Jis chand me Rasool((s)  bhi rote hain zar zar

Hoti hain jis ko dekh ke Zahra(a.s.)  bhi beqarar 

Karta hai jo Hasan(a.s.) ke kaleje ko tar tar

Sadme se jis me aaj bhi roti hai zulfiqar 

Aate hain jis me aj bhi pyason ke sar nazar 

kya ye wo chand hai 

 Jis chand me Batool(s) ka gulshan ujad gaya 

Jis chand me Rasool(s) ke pyaron pe thi jafa

Jis chand me Ali(a.s.) ke dularo n ka sar kata 

Jis chand me lahu se hui lal karbala 

Jis me laga diya gaya pahra furat par 

kya ye wo chand hai

 Jis chand me husain(a.s.) se akber(a.s.) hua juda

Seene pe naujawan ke barchhi ka phal laga 

Toda gaya zaeef ka pardes me asa 

Chhena gaya husain(a.s.) se jeene ka asra 

Akber(a.s.)ka jis me baap ke hatho n pe tha jigar

 kya ye wo chand hai 

 Abbas(a.s.) ka husain(a.s.) ne paya hai jis me gham 

Jis me kamar hui hai shahe karbala ki kham 

Jis chand me dilair ke shane n hue kalam 

Thanda hua furat pe Jis chand me alam

Jis me naher pe doob gaya hashmi qamar 

kya ye wo chand hai

 Nanneh gale pe teer laga jis helal me

Ek sheer khawar naher hua jis helal me 

Chehre pe shah ne khoon mala jis helal me 

Asgher ko roke dafan kiya jis helal me 

Ki jis me be jaba n ki lahad ansuon se tar

Kya ye wo chand hai

 

 Zakhmo n se choor choor the jis me shahe huda 

Seene pe jis helal me shimre lain chadha 

Kata gaya husain ka jis chand me gala

Jis me husain(a.s.) qatal huye ran me be khta 

Madar thi jis me lal ke lashe pe noha gar 

Kya ye wo chand hai 

 Hoti thi jis helal me din rat sakhtiya n 

Tadpi hai jis helal me haider(a.s.) ki betiya n 

Ujdi hai jis helal me maaon  ki godiya n 

Dikhta hai jis helal me khaimo n ka wo dhuan 

Pahre pe jis me zainab e muztar(a.s.) thi raat bhar 

Kya ye wo chand hai

 Likhta hai jab koi bhi surani ye dastan 

Hota hai jab ali ye bahattar ka gham byaan

Hilti hai ye zameen larazta hai asman 

Dete hai ghaib se ye sada saheb zaman(a.s.) 

Rota hun jis me peet ke sar mai har ek paher 

Han ye wo chand hai han ye wo chand